Rəqiblərin təhlili
Sahənizdəki əsas oyunçuların SMM taktikası - nəyi təkrarlamaq, nəyi fərqli etmək lazım olduğunu real nümunələrlə göstəririk.
Necə işləyir
Yeni səhifə açanda ən çox verilən sual - "başqaları nə edir?" olur, amma çox vaxt cavab tapılmır, çünki rəqiblərin səhifəsinə baxmaq başqa, onların STRATEGIYASINI oxumaq başqadır. Nə vaxt paylaşır, hansı format daha çox reaksiya alır, reklamda hansı mesajı vurğulayırlar - bunlar görünüşdə yox, sistemli izləmədə üzə çıxır.
Xüsusilə yeni sahəyə giriş edən və ya mövcud sahədə fərqlənməkdə çətinlik çəkən bizneslər üçün dəyərlidir. Rəqiblərin nə etdiyini bilmədən qərar vermək təxmini olur, bilməklə isə artıq real bazara əsaslanan seçim edilir.
3-5 əsas rəqibi seçib son 2-3 ay ərzindəki fəaliyyətini nəzərdən keçiririk: paylaşım tezliyi, ən çox reaksiya alan post növləri, bio-dakı təklif formulə edilməsi, aktiv olduqları reklam formatları (əgər ictimai kitabxanadan görünürsə). Məqsəd kopyalamaq deyil - kütləvi şəkildə edilən səhvi görüb ondan qaçmaq və ya hamının etmədiyi boşluğu tapmaq.
Nəticə konkret müqayisə cədvəli və tövsiyələr formasında verilir: "rəqiblərin heç biri müştəri rəyini paylaşmır - sizin üçün fərqlənmə nöqtəsi ola bilər", "hamı yalnız endirimlə reklam verir - başqa mesaj sınamağa dəyər". Bu təhlil xüsusilə yeni səhifə açarkən və ya SMM-strategiya hazırlanarkən dəyərlidir, çünki plan boşluğa deyil, real bazara əsaslanır.
Tez-tez verilən suallar
Standart olaraq 3-5 əsas rəqib - daha çox götürsək, təhlil dərinliyi azalır və nəticə praktik olmaqdan çıxır. Sizin seçdiyiniz konkret adları da təhlilə daxil edə bilərik.
Bəli, xüsusilə ideya toplamaq üçün beynəlxalq bazardan uğurlu nümunələrə də baxmaq faydalı olur. Amma yerli auditoriyaya tövsiyələr verərkən Azərbaycan bazarının xüsusiyyətlərini nəzərə alırıq.